Սո՛Ւտ Են Բոլոր Այն Լուրերը, Թե Շանթ Հարությունյանին Առաջարկել Են Ազատություն, Իսկ Նա Հրաժարվել Է․ Շահեն Հարությունյան

Քաղբանտարկյալ Շանթ Հարությունյանի որդին՝ Շահեն Հարությունյանը ֆեյսբության իր էջում անդրադարձել է Նիկոլ Փաշինյանի անկատար խոստմանը։ Վրջինս, դեռ շարժման օրերին տարբեր իրավիճակներում խոստացավ, որ առաջին ազատվողներից մեկը կլինի Շանթ Հարությունյանը, սակայն մինչ օրս այս խոստումը չի կատարվել։

NEWSPRESS.am-ն ամբողջությամբ ներկայացնում է Շահեն Հարությունի գրառումը․

300×250

«Եկեք մի հատ ծուռը նստենք, դյուզը խոսենք։

Նիկոլ Փաշինյանը 5 տարի շարունակ հայտարարեց, որ Շանթ Հարությունյանը քաղբանտարկյալ է։ Դուրս եկավ փողոց, հայտարաիեց, որ իշխանափոխությունից հետո երկրում չի լինի կոռուպցիա, ամենաթողություն և քաղբանտարկյալները և մասնավորապես՝ անվանապես նշելով՝ Շանթ Հարությունյանը պետք է օր առաջ ազատ արձակվեն։

Գնացինք, կողքը կանգնեցինք. եկավ իշխանության։

Սկսեց պայքար ընդդեմ կոռուպցիայի, ընդդեմ ամենաթողության և սկսեց պատժել հանցագործներին։ Լավ է։ Իսկ որտե՞ղ է Շանթ Հարությունյանը։ Այն նույն քաղբանտարկյալ Շանթ Հարությունյանը։ Մարդ, ով առաջինը դուրս եկավ փողոց՝ արժեքների հեղափոխության։

Շանթ Հարությունյանը չէր հավատում ընտրությունների միջոցով իշխանության փոփոխությանը, քանի որ բոլոր ընտրությունները կեղծվում էին։ Իսկ հիմա՞։

Իշխանություն է փոխվել, բայց կրկին անգամ Շանթ Հարությունյանը չի մասնակցի ընտրություններին, քանի որ նոր իշխանությունները չեն ցանկանում քաղբանտարկյալին ազատել՝ այդպիսով մեկուսացնելով Շանթ Հարությունյանին և իր գաղափարախոսությանը։

ՀԳ. 1 Քաղբանտարկյալի հարցը չպետք է տեղափոխել իրավական հարթություն, քանի որ ՀՀ օրենսդրության մեջ չկա քաղաքական հոդված (ինչպպես օրինակ Սովետ միության մեջ)։

ՀԳ. 2 Երբ Նիկոլ Փաշինյանը հայտարարում էր, որ օր առաջ պիտի ազատվի Շանթ Հարությունյանը, բա ինչի՞ այդ ժամանակ մեկը չասեց, պարոն Նիկո’լ, ի՞նչ է, որոշել ես գալ իշխանության ու ազդե՞լ դատական համակարգի վրա։

ՀԳ. 3 Այո’, Շանթ Հարությունյանը ցանկանում է ազատ արձակվել միայն արդարացմամբ։ Դա է նորմալ, բանական, բարոյական և ադեկվատ հասարակություններում վերաբերմունքը քաղբանտարկյալի հանդեպ։

Բայց ի՞նչ եք կարծում, եթե Նիկոլ Փաշինյանը ցանկանար, չէ՞ր կարող ազատել Շանթ Հարությունյանին առանց արդարացման։ Սուտ են բոլոր այն լուրերը, թե Շանթ Հարությունյանին առաջարկել են ազատություն, իսկ նա հրաժարվել է։

ՀԳ. 4 Երբ Սերժ Սարգսյանը հրաժարական տվեց և բանտերից ազատվեցին թավշյա հեղափոխության մասնակիցները, այդ ժամանակ միանշանակ հնարավոր էր բանտից ազատել նաև մյուս քաղբանտարկյալներին։ Չէ՞ որ հանրային ռադիոյի շենք մտնելը (հատուկ պահպանվող գոտի) ավելի ծանր քայլ է, որին մասնակցել եմ նաև ես, քան մի քանի հոգով ոստիկանության հետ բախումը։

ՀԳ. 5 Հարգելի’ Նիկոլ Փաշինյան։ Դուք լավ գիտեք, որ ես կարողանում եմ հայտնվել այնպիսի վայրերում, որտեղ չէր ցանկանա տեսնել ոչ մի իշխանություն։ Հիշու՞մ եք Հայաստան֊Պորտուգալիա խաղը։ Հենց դուք եկաք ինձ տեսնելու ոստիկանության բաժնում։ Հիշու՞մ եք Հռոմի Պապի այցը հայաստան՝ Գյումրի։
Առջևում կարևոր աշուն է, պարո՛ն Փաշինյան։

ԱՐԴԱՐԱՑՈՒՄ ՇԱՆԹ ՀԱՐՈՒԹՅՈՒՆՅԱՆԻՆ»,-գրել է Շահեն Հարությունյանը։

Սո՛Ւտ Են Բոլոր Այն Լուրերը, Թե Շանթ Հարությունյանին Առաջարկել Են Ազատություն, Իսկ Նա Հրաժարվել Է․ Շահեն Հարությունյան

Be the first to comment on "Սո՛Ւտ Են Բոլոր Այն Լուրերը, Թե Շանթ Հարությունյանին Առաջարկել Են Ազատություն, Իսկ Նա Հրաժարվել Է․ Շահեն Հարությունյան"

Leave a comment

Your email address will not be published.


*


ԴԻՏԵԼ